ဖိုင်များဖွင့်ခြင်း နှင့် သိမ်းဆည်းခြင်း
Photoshop ဟာ File Format အမျိုးအစား တော်တော်များများကို လက်ခံဆောင်ရွက်ပေးနိုင်ပါတယ်။ အကယ်၍သင့်မှာ Scanner , Digital Camera တို့ရှိမယ်ဆိုရင် Photoshop ဖြင့် ၄င်းတို့မှပုံများကို တိုက်ရိုက်ဖွင့်ယူ ပြုပြင်နိုင်ပါတယ်။ CD-Rom မှပုံများ၊ အင်တာနက်မှပုံများကိုလည်း Photoshop ဖြင့်ဖွင့်ယူအသုံးပြုနိုင်ပါတယ်။ ဒီအခန်းမှာ ဖိုင်တွေဘယ်လိုသိမ်းယူမလဲဆိုတာ အဓိကဖော်ပြပေးသွားပါမယ်။ အကယ်၍ သင်ဟာဖိုင်တွေသိမ်းဆည်းပုံ နားမလည်လျှင် သင်လုပ်ဆောင်သမျှအားလုံး အရာမထင်ဖြစ်သွားပါလိမ့်မယ်။
Photoshop ဖြင့် File Format အတော်များများကို ဖွင့်နိုင် ၊ သိမ်းဆည်းနိုင်ပါတယ်။ Formats ဆိုတာကတော့ ဖိုင်တွေသိမ်းဆည်းရာမှာ အသုံးပြုတဲ့ စီစဉ်ဖွဲ့စည်းမှုပုံစံပါပဲ။ Window တွေမှာတော့ File Format တွေကို စာလုံး(အက္ခရာ) သုံးလုံးပေး၍ခွဲခြားထားပါတယ်။ ဥပမာ Word Processing Document ကို .doc ၊ Bitmapped Graphic ကို .bmp အစရှိသဖြင့်ဖိုင်အမျိုးအစားကို ခွဲခြားထားပါတယ်။
Photoshop မှာအသုံးအပြုများတဲ့ File Format ကတော့ Photoshop ရဲ့ ကိုယ်ပိုင် Format ဖြစ်တဲ့ .psd ပါပဲ။ ၄င်း Format ကို Photoshop မှာ ပြန်လည်အသုံးပြုနိုင်ပေမယ့် အခြား Application တွေမှာဖွင့်မယ်ဆိုရင်တော့
ပြဿနာ တတ်နိုင်ပါတယ်။ ဒါကြောင့် ဖိုင်တွေသိမ်းရာမှာ တခြား Application တွေမှာအသုံးပြုဖို့လား၊ Print ထုတ်ဖို့လား၊ Website အတွက်လား စသည်ဖြင့် ကိုယ်အသုံးပြုမယ့် အကြောင်းအရာပေါ်မူတည်ပြီး အမျိုးအစားရွေးဖို့ လိုပါတယ်။
နောက်ထပ် Large Document Format (.psb) ဆိုတဲ့ Format ကိုတော့ Photoshop CS မှာစတင်မိတ်ဆက်ခဲ့ပါတယ်။ အလွန်ကြီးမားတဲ့ ဖိုင်တွေကိုသိမ်းဆည်းရာမှာ အသုံးပြုပါတယ်။ ၄င်း Format ကိုလည်း Photoshop မှာသာအသုံးပြုနိုင်ပါတယ်။ အခု Photoshop မှာအသုံးများတဲ့ ဖိုင်အမျိုးအစားအချို့ကို လေ့လာကြည့်ရအောင်။
♦ Bitmap (.bmp)
Windows ရဲ့ standard graphics file format တစ်ခုပါ။ ရုပ်ပုံများကို အဖြုရောင်နှင့်အမဲရောင် Pixel ဖြင့်သာပါဝင်ဖွဲ့စည်းထားပါတယ်။
♦ Camera Raw
Digital Cameras များရဲပြုပြင်ပြောင်းလဲထားခြင်းမပြုရသေးတဲ့ မူလ Format ပါ။ Photoshop မှာ Camera Raw ဖိုင်ပုံတွေရဲ့အရောင်တွေကိုပြုပြင်မွမ်းမံခြင်း၊Focus တွေကို ထင်ရှားပြတ်သားလာအောင်နှင့် တစ်ခြားပြုပြင်ခြင်းများကို တစ်ပုံပြီးတစ်ပုံ ပြုပြင်နိုင်ပါတယ်။ Digital Camera တော်တော်များမှာတော့ jpeg format ထုတ်ပေးတာများပါတယ်။ Professional ဓါတ်ပုံဆရာတွေသာ Camera Raw ကိုသုံးကြသာများပါတယ်။ Camera အမျိုးစားပေါ်မူတည်၍ ဖိုင် extension နာမည်မတူညီနိုင်ပါ။ Adobe ကထုတ်တဲ့ Light Room ကတော့ Professional ဓါတ်ပုံဆရာတွေအတွက် အသုံးဝင်တဲ့ Software ကောင်းလေးတစ်ခုပေါ့။
♦ GIF (.gif) Graphics Interchange Format
ဖိုင်တွေကိုချုံ့ပေးတဲ့ အမျိုးအစားဖြစ်တာကြောင့် Website တွေမှာအများဆုံးအသုံးပြုကြပါတယ်။ ဖိုင်ဆိုဒ်ကျုံ့သွားတဲ့အတွက် Website တွေပေါ်တင်ပို့ရာမှာ အချိန်ကုန် သက်သာစေပါတယ်။
♦ JPEG (.jpg) Joint Photographic Experts Group
Web publishing တွေမှာ နောက်ထပ်ပေါ်ပြူလာဖြစ်တဲ့ Format တစ်ခုပါ။ ယခုလက်ရှိမှာတော့ အသုံးအများဆုံး Format ပေါ့။
♦ PDF (.pdf) Portable Document Format
Adobe Acrobat’s ရဲ့ stands တစ်ခုပါ။ e-book တွေပြုလုပ်ရာမှာအများဆုံးတွေ့ရပြီး Platform မရွေးအသုံးပြုနိုင်ပါတယ်။ pdf ဖိုင်ဖွင့်ဖို့အတွက်တော့ Adobe Reader သို့မဟုတ် Foxit Reader လို Software တော့လိုအပ်ပါတယ်။ ဒါပေမယ့် ၄င်းဆော့ဝဲ တွေကို အင်တာနက်မှာ အခမဲ့ ရယူနိုင်ပါတယ်။
♦ PNG (.png) Portable Network Graphic
Web Graphic အတွက် GIF ရဲ့ ကောင်းမွန်တဲ့ဖိုင်ဆိုဒ်ချုံ့ခြင်း နဲ့ JPEG ရဲ့ အရောင်အသွေးစုံလင်မှု နှစ်မျိုးကို ပေါင်းစပ်ထားတဲ့ Format အသစ်ပါ။ ထူးခြားချက်တစ်ခုကတော့ Transparency ပါတဲ့ပုံကိုသိမ်းဆည်းနိုင်ပြီး အလိုအလျောက်
အရောင်ပြုပြင်ပေးနိုင်ပါတယ်။ Browsers အဟောင်းတွေကိုတော့ support မလုပ်ပါ။
♦ TIFF (.tif) Tagged Image File Format
Tiff ဖိုင်တွေကိုတော့ desktop publishing applications ( ဥပမာ InDesign, QuarkXPress ) တွေမှာ အသုံးများကြပါတယ်။ Tiff ဖိုင်တွေသိမ်းဆည်းရာမှာ Layer များပါသိမ်း/မသိမ်းရွေးချယ်နိုင်ပါတယ်။ Layer များပါထည့်သိမ်းထား
မည်ဆိုပါက ၄င်းဖိုင်သည် desktop publishing programs အားလုံးတွင် သဟဇာတ ဖြစ်မည်မဟုတ်ပါ။
♦ EPS (.eps) Encapsulated PostScript
ဒါလဲ desktop publishing မှာအသုံးများတဲ့ Format တစ်ခုပဲ။ High-quality ပရင့်တာတွေအတွက် သုံးပါတယ်။ Macintosh ရော PC မှာပါအသုံးပြုနိုင်ပါတယ်။
♦ Raw (usually .raw)
ဒီ Format ကတော့ ဓာတ်ပုံတွေရဲ့ အချက်အလက်တွေကိုပါ သိမ်းဆည်းပေးပါတယ်။ ဖိုင်တွေကို application များ ၊ ဒစ်ဂျစ်တယ် ကင်မရာကဲ့သို့ device များနှင့် ကွန်ပျူတာ Platforms တွေကြား ပြောင်းရွေ့ရာတွင် flexible အဖြစ်ဆုံး Format ပါ။ အပေါ်က Camera Raw နှင့် မတူပါ။
အထက်ပါဖိုင် Format များအပြင် အသုံးနည်းသော Targa , Scitex CT နှင့် အခြားဖိုင် Format များကိုလည်း Save as dialog boxes တွင်တွေ့နိုင်ပါသည်။
ဖိုင်များဖွင့်ခြင်း
Photoshop မှာဖိုင်တွေဖွင့်တာဟာ တစ်ခြား Application ဖွင့်သလိုပဲလွယ်ကူပါတယ်။ ပုံပေါင်းများစွာကို ကွန်ပျူတာ memory ကလက်ခံနိုင်သလောက် တစ်ပြိုင်နက်ထဲ ဖွင့်ယူနိုင်ပါတယ်။ အကယ်၍ Photoshop မဖွင့်သေးခင်ဖိုင်တစ်ဖိုင်ဟာ
Photoshop လက်ခံနိုင်သောဖိုင်အမျိုးအစားဖြစ်ပါက(ဥပမာ psd ဖိုင်) ၄င်းဖိုင်ကို Double-Click နှိပ်၍ တိုက်ရိုက်ဖွင့်ယူ နိုင်ပါတယ်။ Photoshop ဖွင့်ထားစဉ်အတွင်းလည်း ဖိုင်ပေါ် Double-Click နှိပ်၍ဖွင့်နိုင်သလို File>Open ဖြင့်လည်း ရွေးချယ်
ဖွင့်ယူနိုင်ပါတယ်။ Photoshop လက်ခံနိုင်သောဖိုင်ကို Photoshop CS3 icon ပေါ် drag and drop ပြုလုပ်၍လည်း ဖွင့်ယူနိုင်ပါတယ်။
File>Open ဖြင့်ဖွင့်သောအခါ Photoshop ရဲ့ Open dialog box ကို တွေ့မြင်ရမှာဖြစ်ပြီး မည်သည့်ဖိုင် Format ဖွင့်ယူနိုင်တယ်ဆိုတာကိုပါတွေ့ရမှာပါ။ သင်ရွေးထားသော ပုံကိုလည်း အောက်ခြေတွင် Preview အနေဖြင့်တွေ့နိုင်ပါတယ်။
Photoshop ရဲ့ Open dialog box ကို shortcut key Ctrl + O သုံး၍ဖွင့်နိုင်သလို screen ပေါ် Double-Click နှိပ်၍လည်းဖွင့်နိုင်ပါတယ်။
Bridge ကိုအသုံးပြုခြင်း
အကယ်၍ သင့်မှာ ဂရပ်ဖစ်ဖိုင်အနည်းငယ်သာရှိမယ် ပြီးတော့ စနစ်တစ်ကျ သိမ်းထားမယ်ဆိုရင်တော့ ဖိုင်တွေကိုပြန်ရှာရာမှာ အခက်အခဲမရှိပါ။ ကျွန်တော့လိုမျိုး ဖိုင်တွေဟာ နေရာအနှံမှာပြန့်နေမယ် ၊ ဖိုင်သိမ်းရာမှာလည်း နာမည်အမျိုးမျိုး
နံပါတ်အမျိုးမျိုး (ဥပမာ ကင်မရာက random number) တွေပေးထားမယ်ဆိုရင်တော့ ဖိုင်တွေကိုပြန်ရှာရာမှာ အခက်အခဲရှိနိုင်ပါတယ်။ ဒီအခက်အခဲကို Photoshop CS3 ရဲ့ Bridge ကကူညီပေးနိုင်ပါတယ်။ သင့်ရဲ image အားလုံးကို Preview အနေဖြင့်ကြည့်မလား၊ အမျိုးအစားတွေခွဲထားမလား ၊ လိုချင်သော image ကိုပြန်ရှာမလား ၊ ဖိုင်တွေရဲ့ သတင်းအချက်အလက်တွေကို ဖတ်မလား အစရှိသည်တို့ကို Bridge က လုပ်ဆောင်ပေးနိုင်ပါတယ်။ Bridge ရဲ့ Metadata tab မှာ ကင်မရာက ဘာ lens နှင့် shutter settings ကိုအသုံးပြုခဲ့လဲ၊ Flash သုံးထားလား မသုံးထားလား ၊ ဘယ်အချိန်၊ဘယ်မိနစ်၊ဘယ်စက္ကန့်မှာ ရိုက်ထားသလဲ ဆိုတာ ဖော်ပြပေးနိုင်သလို ယခုအထူးပြုလုပ်ထားတဲ့ GPS စနစ်ပါ Digital Camera
နှင့်ရိုက်ထားပါက ဘယ်နေရာမှာရိုက်ကူးခဲ့တယ် ဆိုတာကိုပါဖော်ပြပေးနိုင်ပါတယ်။
ဖိုင်တွေကို Importing လုပ်မယ်
Import ကတော့ သင့် Hard Drive မှမဟုတ်ပဲ သီးခြား Drive (ဥပမာ scanner,digital camera ) တို့မှဖိုင်များဖွင့်ရာတွင်သုံးပါသည်။ Digital Camera တော်တော်များများမှ ဓာတ်ပုံများကို Photoshop မှတိုက်ရိုက် Import ယူနိုင်ပါတယ်။ Bridge ကိုသုံး၍ Camera မှ Import လုပ်ခြင်းသည် အလွယ်ကူဆုံးနည်းလမ်း ဖြစ်ပါတယ်။
ပထမ Bridge ကိုဖွင့်၍ File>Get Photos from Camera ကိုရွေးပါ။ Photo Downloader dialog box ပေါ်လာသောအခါ သင့်ကင်မရာနှင့် ဓာတ်ပုံတည်နေရာ ကိုရွေး၍ Get Photos ကို Click နှိပ်ပါ။ ဒါဆို Photoshop က ဓာတ်ပုံများကို သင့် Hard drive ပေါ်တွင် New Folder ဖြင့် Copy ကုးပေးပါလိမ့်မယ်။ နောက်ထပ် Photoshop မှ Video ဖိုင်တွေကို Import လုပ်ပြီး Video Frames မှ Layer အဖြစ်သို့ ပြောင်းလဲနိုင်ပါသေးတယ်။ File>Import>Video Frames to Layers ကိုရွေး၍ ဖွင့်လိုသော ဖိုင်ကိုဖွင့်ပါ။ Import Video to Layers dialog box မှာရှိတဲ့ slider bar ဖြင့် import လုပ်လိုသော frames range ကိုရွေးပြီး OK နှိပ်ပါ။ (Shift ခလုပ်ဖိ၍ ကိုလိုချင်သောအပိုင်းကိုရွေးယူနိုင်ပါတယ်) Photoshop မှ Frames တွေကို လေယာအဖြစ်ခွဲထုတ်ပေးပါလိမ့်မည်။
ဖိုင်တွေကိုသိမ်းဆည်းမယ်
ဖိုင်တွေကို Save လုပ်ခြင်းဟာသင့်အတွက်အရမ်းအရေးကြီးတဲ့အလုပ် ဖြစ်တာမို့ မကြာခဏ Save လုပ်ပေးပါ။ ကွန်ပျူတာဟာ မမျှော်လင့်ပဲ Shutdowns ဖြစ်ခြင်း၊ Errors တတ်ခြင်းများ ဖြစ်လေ့ဖြစ်ထရှိတတ်ပါတယ်။ Save လုပ်ချိန် စက္ကန့်အနည်းငယ်
ပေးရုံဖြင့် ကွန်ပျူတာ Shutdowns ကျခဲ့သည်ရှိသော် လုပ်ပြီသားအလုပ်ကိုပြန်လုပ်ရခြင်း မှကင်းဝေးနိုင်မှာပါ။
ပထမဦးဆုံးအကြိမ် Save လုပ်မယ်ဆိုရင်ပုံမှာပြထားသည့်အတိုင်း Save As dialog box ကိုမြင်တွေ့ရမှာပါ။
File Name နေရာမှာ ကိုပေးချင်တဲ့နာမည်ပေး၊ Format နေရာမှာ သင့်လျှော်သော Format ကိုရွေးချယ်၍ Save ခလုပ်နှိပ်ပြီးသိမ်းနိုင်ပါတယ်။ Photoshop မှာကျွန်တော်တို့ရင်းနှီးပြီးသား Save နဲ့ Save As အပြင် Save a Copy command အပိုတစ်ခုပါရှိပါသေးတယ်။
၎င်းကို Save As dialog box မှာရှိတဲ့ As a Copy ကို ရွေး၍ အသုံးပြုနိုင်ပါတယ်။ Save a Copy ကတော့ Save as ကဲ့သို့ နာမည်အသစ်၊နေရာအသစ် နှင့်သိမ်းပေးရမှာပါ။ ၄င်းနှစ်ခုကွာခြားချက်ကတော့ Save As အသုံးပြုပြီးသွားလျှင် သင်လုပ်နေတဲ့ဖိုင်ဟာ သင်သိမ်းလိုက်သောဖိုင်အသစ်သို့ ပြောင်းသွားပါလိမ့်မယ်။ Sava a Copy ကိုသုံးရင်တော့ ဖိုင်ကို Copy အဖြစ်နှင့်သာသိမ်းပြီး လက်ရှိလုပ်နေသောဖိုင်မှာ မူရင်းဖိုင်အဖြစ်သာ တည်ရှိနေပါလိမ့်မည်။ ပိုပြီးရှင်းသွားအောင် ဥပမာတစ်ခုပြောပြမယ်။ ယခုလက်ရှိဖွင့်ထားတဲ့ဖိုင်နာမည်ကမောင်မောင်ဆိုပါစို့။ ကျွန်တော်တို့က Save/Save as အသုံးပြုပြီး မောင်လှ လို့အမည်ပေးပြီး သိမ်းလိုက်မယ်ဆိုရင် ယခုလက်ရှိဖွင့်ထားတဲ့ မောင်မောင်ဖိုင်ဟာပျောက်ဆုံးပြီး မောင်လှဖိုင်အဖြစ် ပြောင်းသွားပါလိမ့်မယ်။ အကယ်၍ Save a Copy ကိုသုံးမယ်ဆိုရင်တော့ မောင်လှဖိုင်ကို Copy အဖြစ်သိမ်းထားပြီး ယခုလက်ရှိဖိုင်ကတော့ မောင်မောင်ဖိုင်အဖြစ် တည်ရှိနေမှာပါ။ Save a Copy ကိုအထူးသဖြင့် Color တွေကိုအတိုးအလျှော့ ပြောင်းလဲမှုများများပြုလုပ်ရာတွင် ၄င်း၊ဖိုင် Format ပြောင်း၍ သိမ်းသောအခါတွင်၎င်း Backup copy အဖြစ်အသုံးပြုကြပါတယ်။
နောက်ဆုံး Save option ကတော့ File menu အောက်က Save for Web & Devices ပါပဲ။ ၄င်းမှာ Websites ၊ Cell phones နှင့် Handheld organizers တွေအတွက် image တွေကို optimize လုပ်ဖို့ setting တွေပါဝင်ပါတယ်။
ဥပမာ JPEG ဖိုင်အရွယ်အစားနှင့် အရည်အသွေးကို ချုံ့နိုင်မယ့် ပမာဏအမျိုးမျိုးကို ရွေးချယ်နိုင်ပါတယ်။
Reducing File Size (ဖိုင်အရွယ်အစားလျှော့ခြင်း)
အလုပ်အသစ်လုပ်တိုင်း Photoshop ဖိုင်ဖြင့်သာသိမ်းထားမယ်ဆိုရင် သင့် Hard drive ဟာစတင်ပြည့်လာပါလိမ့်မယ်။ Photoshop ဖိုင်ဆိုဒ်ဟာလျှင့်မြန်စွာကြီးထွားလာနိုင်ပါတယ်။ တနည်းအားဖြင့်ပြောရရင် Photoshop ဖိုင်ဟာ အရွယ်အစားကြီးပါတယ်။
သင့်ဖိုင်တွေကိုသေးအောင်လုပ်ဖို့နည်းလမ်းအချို့ရှိပါတယ်။
☺ Resolution သို့မဟုတ် image အရွယ်ကိုလျှော့ခြင်း
☺ Image palette မှာရှိတဲ့ အရောင်အရေအတွက်ကိုလျှော့ခြင်း
☺ ဖိုင်ကိုချုံ့စေတဲ့ Format ကိုအသုံးပြုခြင်း
☺ သိမ်းထားပြီးသောဖိုင်များကို compression utility သုံး၍လျှော့ချခြင်း
☺ Photoshop မူရင်းဖိုင်အတွင်းမှာရှိတဲ့ Layer များအားပေါင်းခြင်း
☺ အသုံးမလိုတဲ့ alpha channels များအားဖျတ်ပစ်ခြင်း
☺ Resolution သို့မဟုတ် image အရွယ်ကိုလျှော့ခြင်း
Image တွေကို Print ထုတ်ဖို့ဆိုရင်တော့ Resolution လျှော့ချတာဟာ ကောင်းတဲ့ Idea မဟုတ်ပါဘူး။ အကယ်၍ပုံတွေကို ကွန်ပျူတာပေါ်နှင့် Web ပေါ်မှာပဲကြည့်ဖို့ဆိုရင်တော့ Resolution ကို 72 ppi အထိလျှော့ချနိုင်ပါတယ်။ အကယ်၍ Resolution ကိုပြန်တိုး
မယ်ဆိုရင်တော့ပုံရဲ့အရည်အသွေးလျှော့ကျသွားမယ်ဆိုတာသတိပြုပါ။ Resolution ပြောင်းချင်ရင်တော့ Image>Image size ရဲ့ dialog box မှာပြောင်းနိုင်ပါတယ်။ Resolution ကို အနည်းဆုံး 72 ppi ထက်တော့မလျှော့နည်းပါစေနှင့်။
☺ Image palette မှာရှိတဲ့ အရောင်အရေအတွက်ကိုလျှော့ခြင်း
အရောင်အရေအတွက်ကိုလျှော့တယ်ဆိုတာကတော့ Bit depth ကိုလျှော့ပစ်တာဖြစ်ပါတယ်။ ၄င်းကိုလျှော့ခြင်းအားဖြင့် အရောင်တွေကို မြင်ကွင်းပေါ်နှင့် Print ပေါ်တွင် အစွန်းကွက်ကဲ့သို့ဖြစ်ပေါ်စေပါတယ်။ အကယ်၍သင့်ဓာတ်ပုံဟာ Color ပုံမဟုတ်ဘူးဆိုရင်တော့ Image Mode submenu မှာရှိတဲ့ Grayscale ကိုရွေးခြင်းအားဖြင့် Bit depth ကို 8 bits သို့လျှော့ချပေးပါလိမ့်မယ်။ ၄င်းမှာ gray ပုံသဏ္ဌန် 256 ခုပါဝင်ပြီး Printer print ထုတ်နိုင်တာထက်ပိုများပါတယ်။
☺ ဖိုင်ကိုချုံ့စေတဲ့ Format ကိုအသုံးပြုခြင်း
ဖိုင်ကိုချုံ့စေတဲ့ Format ကိုအသုံးပြုခြင်းဆိုတာကတော့ဖိုင်သိမ်းတဲ့အခါမှာ ဥပမာ TIFF ကို LZW compression သုံးပြီးသိမ်းတာကိုပြောတာပါ။ ၄င်းဟာ ဖိုင်သိမ်းတဲ့အခါမှာ ဖိုင်ကိုအသေးငယ်ဆုံးဖြစ်အောင် အလိုအလျှောက် လုပ်ဆောင်ပေးပါတယ်။ ပုံများအရေအသွေးကျသွားခြင်း၊ အစွန်းအကွက်များထခြင်းမရှိ၍ ၄င်းကို Lossless compression လို့ခေါ်ပါတယ်။ LZW compression( Lempel,Ziv,Welch) ကို GIF နှင့် PDF Format တွေမှာလည်းအသုံးပြုနိုင်ပါတယ်။
နောက်ထပ်ဖိုင်ကိုချုံ့စေတဲ့ Format ကတော့ JPEG ပါပဲ။ ၄င်းက lossy compression ကိုသုံးပါတယ်။ Lossy ဆိုတဲ့အတိုင်း ပုံတွေကို Compression ပြုလုပ်ရာမှာ data အချို့ကိုပျောက်ဆုံးစေပါတယ်။ အကယ်၍ ကောင်ကင်ပြာပုံတစ်ပုံကို TIFF နဲ့သိမ်းရင် အပြာရောင် shades 20 ပါတယ်ဆိုရင် ၄င်းကို JPEG နဲ့သိမ်းမယ်ဆိုရင် အပြာရောင် shades 5 ခုသာလျှင်ပါဝင်မှာပါ။ အကယ်၍ သင့်ရဲ့ပုံတွေကို Web ပေါ်မှာ၊ multimedia presentation တွေမှာသုံးဖို့အတွက် နှင့် Upload Time သို့မဟုတ် Storage Space အကန့်အသက်ရှိတဲ့ အခြေအနေမျိုးမှာ Compression လုပ်ရန်လိုအပ်လာပြီဆိုရင်တော့ JPEG ကိုပဲသုံးရတော့မှာပေါ့။ JPEG ဖိုင်ကတော့ တတ်နိုင်သလောက်အနည်းဆုံးပမာဏဖြင့် disk space ပေါ်မှာနေရာယူပါလိမ့်မယ်။
တစ်ချက်မှတ်ထားစရာတစ်ခုကတော့ JPEG ပုံကိုဒုတိယအကြိမ် JPEG အဖြစ်နဲ့ပြန်သိမ်းမယ်ဆိုရင်တော့ ၄င်းဟာ ထပ်ပြီး Compress လုပ်မှာဖြစ်တဲ့အတွက် Information တွေပိုပြီးဆုံးရှံးမှာပါ။ အကြိမ်များစွာပြုလုပ်မိမယ်ဆိုရင်တော့ သင့်ပုံဟာနောက်ဆုံးမှာ သုံးမရအောင်ပျက်ဆီးသွားပါလိမ့်မယ်။ အကယ်၍သင့်ဖိုင်တွေကို ရေရှည်အသုံးပြုရန် ရည်ရွယ်ထားရင်တော့ Photoshopဖိုင်(.psd)အဖြစ်နဲ့သိမ်းပါ။ ဒါမှသင်လိုချင်တဲ့ Format မျိုးစုံကို အချိန်မရွေး ပြန်လည်ထုတ်ယူနိုင်မှာပါ။
Photoshop ဖိုင်ကနေရာယူလို့ချုံ့ပစ်ချင်တယ်ဆိုရင် Win Rar သို့မဟုတ် Win Zip လို File compression utilities တွေကိုအသုံးပြုနိုင်ပါတယ်။ ၄င်း File compression utilities တွေအားလုံးဟာ Lossless compression ဖြစ်ပြီး ပုံတွေကို ၂၀% ကနေ ၅၀% အထိ နေရာမရွေး အသေးဆုံးအနေအထားထိရောက်အောင် ချုံ့ပေးနိုင်ပါတယ်။ JPEG နှင့် GIF လိုဖိုင်မျိုးကို Compress လုပ်ရင်တော့သိပ်မထူးခြားပါ။ ဘာကြောင့်လဲဆိုတော့ ၄င်းဖိုင်တွေက Compress လုပ်ပြီးသား ဖြစ်နေလို့ပါပဲ။
(အကယ်၍သင့်မှာ Storage space အခက်အခဲမရှိဘူးဆိုရင်တော့ ဖိုင်တွေကိုမချုံ့ပဲ ဒီအတိုင်းထားတာပိုကောင်းပါတယ်)
Format တစ်ခုအားရွေးချယ်ခြင်း
ဖိုင် Format တွေအများကြီးရှိတဲ့ထဲက ဘယ်တစ်ခုကိုသုံးရမလဲလို့ဆုံးဖြတ်ချက်ခက်နေလား ? တစ်ကယ်တော့သိပ်မခက်ခဲလှပါဘူး ။ အကယ်၍ သင့်ပုံတွေကို ရေရှည်အလုပ်လုပ်ရာမှာ သုံးမယ်ဆိုရင်တော့ Photoshop Document (.psd) အဖြစ်နဲ့သိမ်းပါ။
Photoshop ရဲ့ native format(.psd) ဟာ Layer တွေကိုမပေါင်းပဲ သိမ်းဆည်းပေးနိုင်ပါတယ်။ ထို့ကြောင့်ပုံတွေကိုပြန်လည်ပြုပြင်ရာမှာ အဆင်ပြေလွယ်ကူစေပါတယ်။ အခြား format အများစုဟာ Layer တွေကို တစ်ခုတည်းပေါင်းပြီးမှသိမ်းဆည်းနိုင်ပါတယ်။
သင့်ပုံတွေကိုပြုပြင်ဖန်တီးပြီး၍ PostScript-compatible printer တွေမှာ အသုံးပြုဖို့အတွက်ဆိုရင် EPS format ဖြင့် save a copy as ကိုအသုံးပြုကာသိမ်းပါ။ အကယ်၍ ဘယ်လို Printer မျိုးကိုအသုံးပြုမယ်ဆိုတာမသေချာလျှင် TIFF ဖြင့်သိမ်းပါ။ ဘာကြောင့်လဲဆိုတော့ TIFF ဟာ Printer နှင့် Page Layout Program အများစုမှာ အသုံးပြုနိုင်လို့ပါပဲ။ အကယ်၍ Webpage မှာအသုံးပြုဖို့ရည်ရွယ်ထားရင်တော့ Logo လိုအရောင်နဲတဲ့ Line art တွေအတွက် GIF နှင့် PNG-8 ကိုအသုံးပြုနိုင်သလို အရောင်စုံသော ဓာတ်ပုံ သို့မဟုတ် continuous tone art (ကာလာအမြောက်အများပါ) တွေအတွက် JPEG နှင့် PNG-24 ကိုအသုံးပြုနိုင်ပါတယ်။ အကယ်၍ ရုပ်ပုံတွေကို အခြား graphics program တွေမှာတွဲပြီးသုံး ချင်တယ်ဆိုရင် ၄င်းဂရပ်ဖစ် ပရိုဂမ်တွေက Photoshop Format ကိုလက်ခံရင် Photoshop Format နဲ့သိမ်းပါ။ လက်မခံရင်တော့ TIFF ဖြင့်သာသိမ်းပါ။
Undoing နှင့် Redoing
Undo ဆိုတာကတော့ကွန်ပျူတာမှာ သင်လက်တစ်လောလုပ်ဆောင်ထားသော လုပ်ဆောင်ချက်ကို ဖျက်ပစ်တာပါ။ Redo ကတော့ ပြန်လည်ဖန်တီးတာပါ။ Photoshop ရဲ့ History palette မှာတော့ သင်ဘယ်လို Tool တွေနဲ့ပဲသုံးသုံး သင်လုပ်ဆောင်ခဲ့သမျှ ပြုပြင်မှုမှန်သမျှကိုအစီအစဉ်တစ်ကျတစ်ဆင့်ပြီးတစ်ဆင့်သိမ်းထားပေးပါတယ်။ လုပ်ဆောင်ချက် ၂၀ အထိသိမ်းယာယီမှတ်သားထားပေးနိုင်ပြီး ထပ်တိုးလိုလျှင် Edit>Preferences>Performance မှာရှိတဲ့ History States နေရာတွင်ထပ်တိုးနိုင်ပါတယ်။
ယခုလို Photoshop ရဲ့ History palette မှာ ယာယီသိမ်းဆည်းထားပေးတဲ့အတွက် သင်တစ်ခုခုမှားခဲ့သည်ရှိသော် Undo(Ctrl+Alt+Z) လုပ်လိုက်ခြင်းအားဖြင့် လက်ရှိအမှားကိုပျက်စေ၍ အရင်အနေအထားကို ပြန်ရစေပါတယ်။ တစ်နည်းအားဖြင့်ပြောရရင် မှားသွားလို့ နောက်ပြန်ဆုတ်တဲ့သဘောပါ။ ရှေ့ပြန်တိုးချင်ရင်တော့ Redo(Ctrl+Shift+Z) ကိုသုံးပေါ့။ Ctrl+Z ကိုသုံးရင်တော့ Undo နဲ့ Redo တစ်လှည့်စီဖြစ်နေမှာပါ။ History palette မှာလိုချင်သောအဆင့်ကို တိုက်ရိုက်ရွေး၍လည်း ရပါတယ်။
Photoshop History palette မှာပါဝင်တဲ့ Snapshot ကတော့ သင်ပြုပြင်နေတဲ့ လက်ရှိအနေအထားရုပ်ပုံကို ယာယီသိမ်းယူမှတ်သားပေးပါတယ်။ သင်ပြန်လည်အလိုရှိသောအခါ History palette တွင် Select လုပ်၍ပြန်လည် ရယူနိုင်ပါတယ်။ ယာယီမှတ်သားထားပေးတာဖြစ်တဲ့အတွက် save လုပ်ရာတွင် ၄င်း History palette မှအချက်အလက် များ ပါဝင်မည်မဟုတ်ပေ။ Save လုပ်ပြီးသော်လည်း ၄င်းကိုမပိတ်ပဲဆက်လက်လုပ်ဆောင်နေဦးမည်ဆိုပါက Undo Redo ကိုပြန်လည်အသုံးပြုနိုင်ပါသေးတယ်။
